بأحلم
بأحلم أحب وأتحب .. وأعشق .. وأعيش قصة غرام .. زي زمان .. وحشني قلبي خالص .. وحشتني مشاعري القديمة .. نفسي ارجع لإبتدائي وأفكر في البنت الصغيرة أم ضفاير اللي كانت قعدة في التختة اللي جنبي .. وفضلت أحبها لحد ... لحد ما إتجوزت .. لأ .. كانت فيه واحدة تانية في إعدادي .. لأ .. كانو أكتر من واحدة .. . وفي ثانوي .. بدأت تخبو المشاعر .. ليه مش عارف .. وفي الجامعة .. كانت هناك واحدة .. إتنين .. كانوا تلاتة .. وفي كل هذه العلاقات .. لم تكن هناك كلمة أحبك .. لأي واحدة .. لأني كنت بأحب للحب نفسه .. رغم أني أكيد متأكد في الأكيد إن مشاعرهم كمان زي مشاعري .. بس أنا كنت خايف إن الحب اللي جوايا أفصله على واحدة تقوم الواحدة دي تضيع أجمل أحساس أنا كنت بأعيشه .. فأنا عشت للحب .. مع إختلاف صور المحبوبة .. المهم يكون فيه حب .. وبس
posted by Unknown @ ٥:٥٥ ص
0 comments
